Em Helepçe jı bir nakın!

16.03.2014

Serokatiya Baroya Amedé.

                                                          16 Adar 2014/Amed

Em Helepçe jı bir nakın!

 Em iro Helepçe lı bir tinın u emé tu cara Helepçe jı bir nekın. Kul u bırinek kure Helepçe. Éş u janek gırane Helepçe.

 İro lı diroka Gele Kurd’de rojek reş u tariye. Bist u şeş sal beré iro, roja 16 Adaré sucek gıran u bışerm hate kırın dıji Gelé Kurd. Lı Helepçe sucé Jenosidé jı aliye hézen nijadpereset én Baasé ve hate kırın.  

            Lı çarçova Operasyonén Leşkeri én bı navé “Hereketa Enfalé”, bı hezaran Kurd hatın kuştın, gund u bajar xırabun, mılyonan insan koçber bun. Lı buhara 1988’a, hézén Baasé çekén kimyevi bıkaranin u Helepçe bombebaran kırın. Pénç hezara zédetır jın, zarok u cıwan hatın qetıl kırın u heft hezara zédetır kes bırindar u seqet man. Lı pévajoya Enfalé de sed u pénci hezar Kurd jıyana xwe wında kırın.

Gora huquq u peymanén navnetewi karanina çekén kimyevi qedexeye u Jenosid sucek heri gırane. Gora “Peymana Bergıri u Cezakırına Sucé Jenosidé” a Yekitiya Navnetewi (YK)  lazıme ku faılén sucé Jenosidé lı Dadgehek Navnetewi ya Cezai bén muhakeme kırın u bén ceza kırın. Disa gora Peymanén Cenevré, nemaze xalén 3’é a Peymanén Cenevré, gıringe lı tu şerta u merca de gelé sivil u navendén sivil nebın hedefén leşkeri. Rasti lı pévajoya operasyonén Enfalé u lı Qetliama Helepçe de, hem sucé Jenosidé, hem sucé şeri u hem ji sucé dıji mırovatiye lı Kurdan hatiye kırın.

           Dunya u cıvata navnetewi péşberi Jenosida Kurda bé deng maye. Lazımıyén huquqa xwe u peymanén navnetewi ne anine bı cıh. Helepçe jı bo Yekitiya Navnetewi ji rupelek reş u bı şerme. Dunya u Cıvaka Navnetewi tu cara berpırsyariyén, én gora huquq u peymanén  xwe jı bo gele Kurd pék neaniye..

Qonseya Yekitiya Navnetewi, Jı bo Jenosida lı Ruandayé an ji jı bo şeré hundırin yé Yugoslaviya Kevın, Dadgeha Cezai a Navnetewi damezrand u sucén Jenosidé lı van Dadgeha de hat darızandın. Bes jı bo Helepçe u jı bo Kurda tıştek nehat kırın.

Mıxabın, faılén sereke én Jenosida Helepçe wek Saddam Huseyin u Hasan Eli El Mecid El Tıkriti ji, ewé ku bınavé “Eliyé Kimyevi” dıhata naskırın jı bo Jenosida Helepçe nehatın muhakeme kırın u nehatın ceza kırın.

Gringe mırovati tev laneté lı Jenosidé, lı vi sucé bışerm bine. Emé tu caran Jenosida Helepçe jı bir nekın.

Van salén dawiyé çend Parlementoyén Dıné, wek Parlametoya Sıwédé, Norveç u Britanyayé jı bo Jenosida Helepçe bıryar standın u wek “Jenosidé” qebul kırın. Em hivi u gazi dıkın Parlamentoyén Dıné yén dın, u nemaze Lı Turkiyé partiyén siyasi, Hukumet u Parlementoya Turkiyé ji, Jenosida dıji Gelé Kurd a lı Helepçe hati kırın nas bıke u wek “Jenosdé” qebul bıke.

Emé Helepçe tu cara jı bir nekın u tum u tum emé lı bir binın.

Lı ser navé Baroya Amedé.

Eboqat Tahir ELÇİ /Seroké Baroyé